Oruc adı gələndə insanların ağlına gələn ilk şey ac qalmaq olur. Aclıq elə şeydir ki, insan övladının belə qarşısında aciz qaldığı nəfsi özünə ram edə bilir. Yəqinki Allahın nəfsi məhz aclıq yolu ilə ədəbləndirməsinin bir hikməti də insan övladına nəfslə mübarizədə ən effektli silahın aşkarlanması idi. Bu bir ay insana öz nəfsi üzərində tam hakim olmaq üçün verilən ən əlverişli fürsətdir. Bu fürsəti dəyərləndirmək üçün öncə bu ibadətin şəkli ilə tanış olmalıyıq. Əlimizdə olan hədis kitablarından Peyğəmbərimizin tutduğu oruc şəkli ilə yaxından tanış ola bilirik. Bu məqalədə məhz bu məsələyə aydınlıq gətirməyə çalışacağıq.